प्रथम सुमन स्मृति कप फुटवलको उपाधि M.Y.C लाई

प्रथम सुमन स्मृति कप फुटवलको उपाधि M.Y.C लाई

२०८१, फागुन १७ शनिबार
टेलिपत्र

प्रथम सुमन स्मृति कप फुटवलको उपाधि M.Y.C लाई

धादिङ : धादिङको सदरमुकाम धादिङबेसीमा जारी प्रथम सुमन स्मृति कपको उपाधि मित्र युवा क्लव (M.Y.C) ले जितेको छ ।

धादिङ जिल्लाकै सर्वाधिक पुरस्कार राशी रहेको उक्त प्रतियोगीतामा आयोजक टिमलाई पराजित गर्दै M.Y.C ले उपाधीमा कब्जा जमाएको हो । धादिङ फुटबल क्लव (D.F.C.) लाई २–० गोलले पराजित गर्दै M.Y.C.ले उपाधि जितेको हो ।

शुक्रबार भएको सेमीफाईनल खेलमा सेभेन हर्सलाई पराजित गर्दै M.Y.C र पेनाल्टी सुटआउटमा शिवदल गणलाई पराजित गर्दै D.F.C फाइलन प्रवेश गरेको थियो ।

शनिबार भएको फाइनल खेलमा खेल सुरु भएको केही मिनेटमै गोल गर्न सफल M.Y.C. दोश्रो हाफमा पनि फेरी गोल थप्दै उपाधि सुरक्षित ग¥यो ।

खेल सुरु हुनेबेलामा हल्का वर्षा भयो । दुुबै क्लवका खेलाडी मैदान चिप्लो भएका कारण अल्मलिएका थिए । त्यतिनै बेला M.Y.C का खेलाडीले गोल हान्ने मौका पाए । तर, D.F.C खेलको अन्तिम समयसम्म पनि लय समाउन नसक्दा पराजित हुन पुग्यो ।

उपाधि विजेता M.Y.C क्लवका खेलाडीलाई एक लाख ७५ हजार नगदसहित ट्रफी, मेडल र प्रमाणपत्र प्रदान गरिएको छ । त्यस्तै उपविजेता D.F.C लाई ७५ हजार र तृतिय हुने शिवदल गण र सेभेन हर्सका खेलाडीलाई २५ हजार नगद सहित ट्रफी, मेडल र प्रमाणपत्र प्रदान गरिएको छ ।

त्यस्तै उत्कृष्ट प्रशिक्षक M.Y.C का सञ्जय सापकोटा ‘मित्र’, उत्कृष्ट खेलाडी M.Y. C कै अनिल राना मगर, उत्कृष्ट गोल किपर M.Y.C का सफल खत्री, उच्च गोलकर्ता शिवदल गणका सरोज श्रेष्ठ र उदयमान खेलाडी D.F.C का समिर गुरुङ घाेषित भए । उनीहरुलाई नगद पाँच हजार सहित ट्रफी र प्रमाणपत्र प्रदान गरिएको छ ।

धादिङका फुटबल खेलाडी सुमन श्रेष्ठको २०७९ सालमा अल्पायुमै अप्रत्याशित निधन भएको थियो । सुमनको सम्झना र सम्मानमा धादिङ फुटवल क्लवले प्रतियोगीताको आयोजना गरिएको अध्यक्ष भण्डारीले जानकारी दिए ।

उच्च गोलकर्ता आर्मी (शिवदल गण)का सरोज श्रेष्ठ