जिल्ला प्रहरी कार्यालय धादिङमा रहेको वेवारीसे बाईक लिलामीमा

धादिङ : जिल्ला प्रहरी कार्यालय धादिङमा रहेको बेवारिसे मोटरसाईकल तथा स्कुटरको लिलामी गरिएको छ । नेपाल प्रहरीले जिल्लामा पहिलो पटक बेवारिसे मोटरसाईकलको लिलामी गरेको हो ।

विभिन्न चेकजाँचको क्रममा तथा अन्य अवस्थामा बेवारिसे अवस्थामा फेला पारेको १ सय ९० मोटरसाईकल र स्कुटर लिलामी गरिएको जिल्ला प्रहरी कार्यालय धादिङका सूचना अधिकारी तथा प्रहरी नायब उपरीक्षक मकेन्द्रकुमार मिश्रले जानकारी दिनुभयो ।

लिलामीका लागि विभिन्न ५ ओटा सप्लायर्सले टेण्डर हालेकोमा समित एक्सपा सेन्टरले टेण्डर पारेको हो । नेपाल प्रहरीको हेडअफिसको स्विकृतिमा भ्याट बाहेक ७ लाख ९१ हजारमा पत्रु मोटरसाईकल लिलामी गरिएको मिश्रले बताउनुभयो ।