धादिङ : आज थप ४ जनामा स्क्रब टाइफस संक्रमण भएको छ । आज निलकण्ठ नगरपालिकामा १ जना, सिद्धलेक गाउँपालिकामा १ जना र ज्वालामुखी गाउँपालिकाका २ जना गरि थप ४ महिलामा स्क्रब टाइफस संक्रमण भएको स्वास्थ्य कार्यालय धादिङले जनाएको छ। 

यस्तै संक्रमितहरुमा निलकण्ठ नगरपालिकामा ९२ जना, ज्वालामुखी गाउँपालिकामा ३४ जना, थाक्रे गाउँपालिकामा १ जना, गल्छि गाउँपालिकामा २ जना, गजुरी गाउँपालिकामा ४ जना, बेनिघाट रोराङ गाउँपालिकामा १ जना, सिद्धलेक गाउँपालिकामा १३ जना, त्रिपुरा सुन्दरी गाउँपालिकामा १ जना, नेत्रावति डबजोङ गाउँपालिकामा २ जना, खनियाबास गाउँपालिकामा १ जना र रुबिभ्यालि गाउँपालिकामा १ जना रहेका छन । 

त्यस्तै धुनिवेसि नगरपालिका र गंगाजमुना गाउँपालिकामा भने स्क्रब टाइफस देखिएको छैन् । अहिलेसम्म संक्रमितत हुनेको संख्या १ सय ५२ जना पुगेको छ।

संक्रमितहरुमा ५७ जना पुरुष र ९५ जना महिला छन् । गत बर्ष २०७९/०८० मा जम्मा ४८ जनामा देखिएको स्क्रब टाइफस अहिले १० महिनाको अवधीमा १ सय ५२ जना संक्रमित भईसकेका छन्।

स्क्रब टाइफस संक्रमणकै कारण धादिङमा १ जनाको मृत्यु समेत भईसकेको छ।