अधिक गर्मीबाट बच्न के गर्ने ?

अधिक गर्मीबाट बच्न के गर्ने ?

२०८०, जेठ २७ शनिबार
चित्र बहादुर आचार्य

धादिङ : देशभरको तापक्रम अझै केही दिन रहने मौसम पूर्वानुमान महाशाखाले जनाएको छ । केही दिनयता तातो हावा तथा ‘लु’ देशका धेरैजसो स्थानमा देखिएको बारेमा आयोजना गरिएको छलफल कार्यक्रममा बोल्दै मौसमविद्हरूले देशभरको तापक्रम बढ्ने बताएका हुन् ।

यस वर्ष देशका धेरैजसो भू–भागमा सरदरभन्दा कम पानी पर्ने र सरदरभन्दा बढी अधिकतम तापक्रम हुने देखिएको मौसमविद् शान्ति कँडेलले बताइन् । नेपालमा जुन १३ देखि मात्रै मनसुन प्रवेश हुने भएकाले अझै केही दिन ‘हिट वेभ’ बढ्ने बताइएको छ ।

गर्मीका कारण ‘लु’ लाग्ने, बान्ता हुने, थकाइ लाग्ने, कमजोरी हुने, बढी तिर्खा लाग्ने, टाउको दुख्ने, खुट्टा बाउँडिने, चक्कर आउने, बेहोस हुने, मांसपेशी दुख्ने समस्या देखापर्न थालेका छन् ।

के हो लू ?

अत्यधिक गर्मीका कारण शरीरबाट धेरै पसिना बग्दछ । जसका कारण शरीरमा नुन र पानीको कमी हुन्छ । यसले शरीरको रगतमा तापमान बृद्धि गर्छ । शरीरमा पानीको मात्रा कमी हुनु नै लू लाग्नु हो । समयमै उपचार नभए लुको कारण ज्यान समेत जान सक्छ ।

लक्षण :-
– शरीरमा पानी र नुनको मात्रा घट्दा रगतको तापमान बढ्न गई टाउको भारी हुनु
– नाडीको गति बढ्नु
– रगतको गति पनि तिब्र हुनु
– श्वासप्रश्वासको गति असामान्य हुँदै जानु
– हात, खुट्टा र तालुमा जलन बढ्नु
– आँखामा जलन बढ्नु
– अचानक बेहोस हुनु