Weather : 29.35° Celsius Kathmandu
Weather : 29.35° Celsius Kathmandu
धादिङ : दोस्रो बागमती प्रदेश स्तरीय खेलकुद प्रतियोगिता अन्तर्गतको पुरुष भलिबलमा धादिङले रजतपदक हासिल गरेको छ । बिहीबार हेटौंडास्थित हुप्राचौर खेल मैदानमा भएको फाईनल खेलमा चितवनले धादिङलाई ३–१ को सेटमा पराजित गर्यो ।
चितवनले धादिङमाथि २५–१७, २२–२५, २८–२६ र २५–१८ को जित निकाल्दै स्वर्णपदक जितेको छ ।त्यस्तै सिन्धुलीलाई २–१ को सेटमा पराजित गर्दै काठमाडौंले कास्यपदक हात पारेको छ ।
यसैगरी महिला भलिबलतर्फ भने काठमाडौंले स्वर्ण पदक जितेको छ । काठमाडौंले दोलखालाई २५–५, २५–६ र २५–१२ ले हराउदै स्वर्ण जितेको हो। महिला भलिबलमा चितवनले धादिङलाई २–० को सेटमा पराजित गर्दै कास्यपदक हात पारेको छ ।
प्रतियोगितामा पुरुषतर्फ चितवनका नवीन महतो र महिलामा काठमाडौंकी सलिना बुढा मगर उत्कृष्ट खेलाडी घोषित भए । पुरुषमा चितवनका रमेशचन्द्र विक उत्कृष्ट प्रशिक्षक चयन भए ।
&
