धादिङ : धुनिबेशि नगरपालिकामा १२ औँ राष्ट्रपति रनिङ शिल्ड प्रतियोगिता शुरु भएको छ । धुनिवेशी नगरपालिकाको आयोजनामा राष्ट्रपति रनिङ शिल्ड प्रतियोगिता शुरु भएको हो ।

प्रतियोगितामा नगरपालिका भित्र रहेका माध्यमिक विद्यालयहरु तर्फको १६ वटा र प्राथमिक विद्यालय तर्फका ६ देखि ८ सम्मको २४ वटा विद्यायका विद्यार्थीहरु सहभागी भएका छन् । 

धुनिबेशी ५ पुरानो धार्केको खेल मैदान, धुनिबेशी ३ को धुनिबेशी आदर्श क्याम्पसको खेल मैदान र धुनिबेशी १ को भञ्ज्याङ पोखरीमा भलिबल, कबड्डी, दौड लगायतका ३० विधामा संचालन भएको खेलहरु २८ गते सम्म संचालन हुने छ । 

प्रतियोगिताको उद्घाटन गर्नुहुदैँ नगरपालिकाका उपप्रमुख सुरज उप्रेतीले प्रतियोगितामा सहभागी खेलाडीहरुलाई शुभकामना दिनुभएको छ । त्यस्तै पालिकाले खेल क्षेत्रमा सक्दो सहयोग गर्ने बताउनुभएको छ ।